Formalizo të drejtat e tua pronësore
Një mundësi për formalizimin dhe regjistrimin e të drejtës pronësore përfaqëson një proces të rëndësishëm juridik dhe administrativ, që ka për synim vendosjen e një sigurie ligjore për të gjithë poseduesit dhe përfituesit aktualë të pronave të paluajtshme.
AKKVP
përmes proceseve të saj ligjore dhe administrative, garanton mbrojtjen e të drejtave pronësore dhe kontribuon në avancimin e sigurisë juridike.
Agjencisë Kosovare për Krahasim dhe Verifikim të Pronës
Fuqizoni vendimet tuaja duke mbështetur çdo zgjedhje në baza
të forta ligjore
Analizë mbi Dokumentet Kadastrale të Kosovës të Marra nga Autoritetet Serbe
Ky dokument paraqet një analizë të thelluar mbi mbi 4 milionë dokumente kadastrale të Kosovës, të cilat janë larguar nga autoritetet serbe gjatë dhe pas konfliktit të vitit 1999. Analiza fokusohet në pasojat ligjore,
4 milionë +
Dokumente kadastrale (saktësisht 4,037,240) janë marrë nga autoritetet serbe gjatë ose pas luftës në vitin 1999 dhe ndodhen ende në Serbi. Ato dokumente përfshijnë: regjistrime të pronave, plane kadastrale, certifikata pronësie, dhe dokumente të tjera të rëndësishme.
Lajmet e fundit
Dokumentet që mund të nxirren dhe shkarkohen online përmes sistemit elektronik.
Pyetje të Shpeshta (FAQ)
Agjencia Kosovare për Krahasim dhe Verifikim të Pronës (AKKVP) është institucion i pavarur i themeluar sipas Nenit 142 të Kushtetutës së Republikës së Kosovës dhe Ligjit Nr. 05/L-010 për Agjencinë Kosovare për Krahasim dhe Verifikim të Pronës, të ndryshuar dhe plotësuar me Ligjin Nr. 08/L‑052
Çfarë bën AKKVP?
- AKKVP-ja ka mandat për të pranuar, krahasuar dhe, përmes Komisionit për Verifikim dhe Vendimmarrje të Pronës (KVVP), për të zgjidhur zbrazësitë dhe mospërputhjet midis dokumenteve kadastrale origjinale të marra në Kosovë nga autoritetet serbe para qershorit 1999 dhe dokumenteve kadastrale aktuale në Republikën e Kosovës, për pronën private, pronën private komerciale dhe pronën e bashkësive fetare.
- Gjithashtu, AKKVP pranon, shqyrton dhe përmes KKP- së vendos për kërkesat e parashtruara për njohje ligjore të të drejtave pronësore, të pakontestuara dhe legjitime, mbi pronat e paluajtshme, të bartura përmes transaksioneve joformale para 24 marsit 1999, bartja formale e të cilave është ndaluar nga legjislacioni diskriminues apo për të cilat dokumentet e kërkuara për regjistrim në sistemin kadastral të Kosovës nuk ekzistojnë.
- Sipas dispozitave kalimtare të ligjit, AKKVP-ja zbaton vendimet e Komisioneve përkatëse pronësore dhe aktgjykimeve të Apelit të Gjykatës Supreme, të ish-AKP-së dhe DÇPB-së, administron pronat me kërkesën e parashtruesve të suksesshëm të kërkesave dhe zbaton skemën vullnetare të qirasë për pronat nën administrim të AKKVP-së.
Cilat janë organet kryesore të AKKVP-së
Agjencia ka mandat të qartë dhe ndarje të roleve mes organeve të saj kryesore, më saktë Sekretarisë Ekzekutive, Komisioneve dhe Bordit Mbikëqyrës.
Bordi Mbikëqyrës
Bordi mbikëqyr punën strategjike dhe administrative të Agjencisë dhe ofron udhëzime për politikat dhe orientimin e përgjithshëm. Bordi nuk merr pjesë në procesin e vendimmarrjes për kërkesat apo rastet, të cilat vendosen nga Komisionet e AKKVP-së.
Bordi përbëhet nga pesë (5) anëtarë: dy (2) emërohen nga Kuvendi i Republikës së Kosovës me propozim të Kryeministrit, ndërsa tre (3) nga PSBE.
Sekretaria Ekzekutive
Sekretaria Ekzekutive është përgjegjëse për pranimin, regjistrimin dhe përgjigjen ndaj kërkesave, njoftimin e palëve dhe përpunimin e kërkesave përmes verifikimit të dokumentacionit të paraqitur, mbledhjes së dëshmive dhe intervistave me palët. Ajo gjithashtu përgatit dhe harton raportet e përpunimit lidhur me kërkesat që i paraqiten Komisionit për vendimmarrje. Pas lëshimit të vendimit nga Komisionet, ose të aktgjykimit të Gjykatës Supreme të Kosovës në rast ankese, Sekretaria Ekzekutive është e detyruar të zbatojë vendimin ose aktgjykimin.
Sekretaria ka Drejtorin dhe Zëvendësdrejtorin. Drejtori dhe Zëvendësdrejtori emërohen nga Kuvendi pas propozimit nga Kryeministri me mandat pesë (5) vjeçar, pa të drejt rizgjedhjeje.
Komisionet
Komisionet janë pjesë e AKKVP-së dhe kanë mandatin për të shqyrtuar dhe vendosur mbi rastet dhe kërkesat e referuara nga Sekretaria Ekzekutive.
Komisioni për Verifikim dhe Vendosje të Pronës (KVVP) përbëhet nga pesë anëtarë: (2) emërohen nga Kuvendi i Republikës së Kosovës pas propozimit të Kryetarit të Gjykatës Supreme të Republikës së Kosovës, ndërsa tre (3), përfshirë një (1) përfaqësues të komuniteteve jo shumicë, emërohen nga PSBE. Kryesuesi i KVVP-së zgjidhet nga anëtarët e saj.
Komisioni për Kërkesa pronësore (KKP) përbëhet nga tre (3) anëtarë: një (1) emërohet nga Kuvendi i Republikës së Kosovës pas propozimit nga Kryetari i Gjykatës Supreme të Republikës së Kosovës, ndërsa dy (2) emërohen nga PSBE.
Kush mund të paraqesë kërkesë në AKKVP?
Çdo person që kishte një marrëveshje ose posedim të ligjshëm mbi pronën private para 24 marsit 1999, por që nuk ishte regjistruar zyrtarisht në regjistrin kadastral, mund të paraqesë kërkesë për njohjen dhe formalizimin e të drejtave të tij/saj.
- Blerësi i pronës nga transaksioni joformal;
- Anëtarët e ngushtë të familjes së blerësit nga transaksioni joformal;
- Çdo person me të drejtë pronësie sipas rendit të trashëgimisë;
- Blerësi i fundit i pronës ose trashëgimtarët e tij/saj, në rast se pas transaksionit të parë joformal ekziston një zinxhir shitblerjesh joformale;
- Shitësi i pronës ose trashëgimtarët e tij/saj sipas një transaksioni joformal;
- Blerësi së bashku me shitësin ose trashëgimtarët e tyre, në rast se zinxhiri i shitblerjes joformale ka filluar para 24 marsit 1999, ndërsa blerësi i fundit ka fituar të drejtën faktike mbi pronën si rezultat i një transaksioni joformal pas 24 marsit 1999;
- Personi i autorizuar nga pala.
PROCESI I PRANIMIT TË KËRKESAVE KA PËRFUNDUAR MË 26 JANAR 2026.
A mund dikush tjetër të më përfaqësojë nëse kam paraqitur kërkesë?
Po. Një anëtar i familjes mund t’ju përfaqësojë duke treguar lidhjen familjare, ose një person tjetër me autorizim të vlefshëm që autorizon përfaqësimin tuaj. Në rast se paraqitësi i kërkesës ka ndërruar jetë pas paraqitjes së kërkesës, personi që tërheq vendimin e lëshuar nga Komisioni duhet të paraqesë certifikatën e vdekjes së paraqitësit të kërkesës së bashku me certifikatën e martesës (nëse është bashkëshorti/ja), certifikatën e lindjes (nëse është fëmija) ose ndonjë dokument tjetër që vërteton lidhjen familjare.
Vërejtje: Personi i autorizuar duhet të ketë kopje të letërnjoftimit të parashtruesit të kërkesës dhe çdo dokument ose informacion tjetër të nevojshëm që i mundëson përfaqësimin.
A duhet të paguaj për procedurën lidhur me kërkesën për njohje ligjore dhe formalizim të së
Jo. Asistenca nga stafi i AKKVP-së ofrohet pa pagesë dhe nuk aplikohen tarifa për paraqitjen ose shqyrtimin e kërkesës për njohje ligjore dhe formalizim të së drejtës pronësore.
Kur është afati i fundit për paraqitjen e kërkesave për njohje ligjore dhe formalizim të së drejtës pronësore?
Afati i fundit për paraqitjen e kërkesave për njohjen dhe formalizimin e transaksioneve joformale ishte 26 janar 2026. Pas përfundimit të këtij afati, nuk është e mundur paraqitja e kërkesave të reja. Gjatë periudhës së pranimit të kërkesave, AKKVP ka pranuar 20,028 kërkesa.
Çfarë ndodh nëse dua ta tërheq kërkesën për njohje ligjore dhe formalizim të së drejtës pronësore në AKKVP?
Paraqitësi i kërkesës mund ta tërheqë kërkesën për njohje ligjore dhe formalizim të së drejtës pronësore në çdo fazë para marrjes së vendimit nga Komisioni, duke paraqitur një deklaratë me shkrim në AKKVP.
Deklarata për tërheqje duhet të jetë e nënshkruar nga paraqitësi i kërkesës ose nga përfaqësuesi i autorizuar me autorizim të vlefshëm. Pas pranimit të tërheqjes, procedura për atë kërkesë ndërpritet.
Si do të trajtohet kërkesa ime për njohje ligjore dhe formalizim të së drejtës pronësore?
Pas pranimit të kërkesës për njohje ligjore dhe formalizim të së drejtës pronësore, AKKVP-ja kryen kontrollin fillestar të cilësisë dhe publikon të dhënat identifikuese të pronës duke përfshirë numrin e kërkesës, komunën, zonën kadastrale dhe numrin e parcelës në Gazetën Zyrtare të Republikës së Kosovës, Zyrat Regjionale dhe Ueb-faqen e AKKVP-së, Gjykatat, Odën e Avokatëve dhe Noterëve, Komunat e Kosovës, përfshirë Zyrat Regjionale Kadastrale dhe në institucione tjera relevante sipas nevojës. Qëllimi i publikimit është të njoftohen të gjithë personat (përfshirë palët përgjegjëse, si dhe palët e treta) që mund të kenë interes ligjor mbi pronën.
Kërkesa shqyrtohet individualisht nga Sekretaria Ekzekutive, duke përfshirë verifikimin e dokumenteve të paraqitura në mbështetje të kërkesës, kontrollin e të dhënave në regjistrat publikë dhe, mbledhjen e provave shtesë ose marrjen e deklaratave nga palët, kur është e nevojshme. Pas përfundimit të shqyrtimit administrativ, lënda i dorëzohet Komisionit kompetent të AKKVP-së për vendimmarrje. Komisioni nxjerr vendim për pranimin ose refuzimin e kërkesës në një seancë të mbyllur, duke u bazuar në dokumentet dhe informacionin e paraqitur. Në rast dyshimi, Komisioni mund të mbajë seanca dëgjimore me palët e përfshira.
Vendimi i Komisionit është ligjërisht i detyrueshëm, pa cenuar të drejtën e ankesës në Gjykatën Supreme të Kosovës.
Sekretaria Ekzekutive mund të hedhë poshtë kërkesat që janë qartazi të papranueshme ose jashtë kompetencës së AKKVP-së, dhe palët kanë të drejtë ankese tek Komisioni.
Pas vendimit, AKKVP-ja ndërmerr veprimet e nevojshme për zbatimin e tij.
A mund të ankohem mbi vendimin e Komisionit të AKKVP-së?
Po. Nëse nuk pajtoheni me vendimin e Komisionit të AKKVP-së, keni të drejtë të paraqisni ankesë pranë Gjykatës Supreme të Kosovës përmes AKKVP-së, brenda tridhjetë (30) ditëve nga data e njoftimit për vendimin.
AKKVP-ja do të mbledhë informacion shtesë nga çdo palë tjetër e përfshirë në kërkesën fillestare dhe do ta përcjellë së bashku me ankesën në Gjykatën Supreme të Kosovës. Gjykata do të marrë vendimin pasi të ketë shqyrtuar të gjitha provat e nevojshme.
Vendimi i Gjykatës Supreme të Kosovës është i formës së prerë dhe i detyrueshëm për t’u zbatuar, dhe nuk mund të kundërshtohet me asnjë mjet tjetër ligjor.
Si mund të zbatohet një vendim?
Qëllimi i fazës së zbatimit është që vendimet e Komisionit të AKKVP-së dhe vendimet e Gjykatës Supreme të Kosovës të kenë efekt dhe të zbatohen në praktikë, duke respektuar të drejtat e të gjitha palëve.
Çfarë do të thotë “Prona nën administrim”?
AKKVP-ja mund të administrojë përkohësisht një pronë në emër të bartësit të së drejtës së pronësore, në rast se ky nuk mund ta marrë pronën në riposedim. Kur prona është nën administrim dhe vlerësohet nga AKKVP-ja si e përshtatshme për tregun e qirasë, bartësi i së drejtës pronësore mund të zgjedhë ta japë pronën me qira sipas Skemës Vullnetare të Qirasë.
AKKVP-ja bën përpjekje të arsyeshme për të minimizuar rrezikun e dëmtimit të çdo prone nën administrimin e saj por nuk mban kurrfarë përgjegjësie për asnjë dëmtim të pronës dhe as për humbjen apo dëmtimin e përmbajtjeve të saj.
Llojet e pronave që AKKVP-ja mund të administrojë janë: pronat banesore, bujqësore dhe komerciale.
Çfarë është “Skema e Qirasë”?
Të gjitha pronat nën administrim, ku parashtruesi i kërkesës për administrim, ka dhënë pëlqim në formën me shkrim për përfshirje në skemë të qirasë, mund të jepen me qira nga Agjencia.
AKKVP duhet të sigurohet se prona e dhënë me qira do të shfrytëzohet sipas destinimit të saj dhe nuk do të shfrytëzohet në atë mënyrë e cila do të zvogëlonte vlerën apo shkaktonte dëmtim në pronë.
Në lidhje me pronat në skemë të qirasë, Agjencia do të konsiderohet si qiradhënëse dhe përmes zyrtarëve të autorizuar, do të lidhë kontratën e qirasë me qiramarrësit. Kontratat e qirasë mund të lidhen në afat prej 6 deri 12 muajve me mundësi vazhdimi.
Formalizo të drejtat e tua pronësore
Agjencia Kosovare për Krahasim dhe Verifikim të Pronës (AKKVP) është institucion i pavarur publik i themeluar nga Kuvendi i Republikës së Kosovës, me mandat për të krahasuar dhe verifikuar dokumentet pronësore që ndodhen në Republikën e Serbisë me regjistrat aktualë kadastralë të Kosovës.
Kontakti
+383 (0)38 249-918 | + 383 (0) 38 249 919
kpcva.mailbox@rks-gov.net
Rr.Bill Klinton, Lakrishte, Kompleksi Donika 2, 10000 Prishtinë, Kosovë.
Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.